合拍片？深圳拍？剝削？
係呢，响雞蛋裡面揾到骨頭未？捉唔捉到鬼呀？
先唔好講黃子華係咪賣咗層樓拍呢套戲，亦無未必要提升到什麼顏色經濟圈，只係要知道係咪支持香港本土電影業。
乜香港依家電視媒體業好好境咩，唔洗香港人買飛就個個有工開？一套電影，唔計演員至少十幾個人開工，三餐都搞唔掂，係咪「方方面面」都可以「原教主義」？
做乜嘢都要成本，自給自足鬼唔知最好，實際上係咪可行先？更重要嘅係睇成件事嘅嘅本質，即係如果老細係黃，員工都係黃，但係杯奶茶係東江水沖嘅，乾炒牛河啲芽菜係大陸嘅，係咪唔幫襯？
退一萬步講，哪怕係合拍片，有無人知裡面有幾多香港人，尤其是新一代電影人參與？依家本地電影業連土壤都無，係咪期望好似沙漠仙人掌咁識光合作用，然後本土電影就會石頭爆出黎好睇過荷里活大製作，大家就安心高高興興咁「支持香港本土電影」？
關於香港本地製作，就算幾爛，幾咁唔完美，都應該接受，要批評什麼合拍或者「奶乜奶物」嘅時候，麻煩諗下一個藝人嘅名字：
#古天樂
Search